Norentzat prestatu dugu hitzaldi hau?

Maialen Nikaraguan dago, bertako komunitate batekin lan egiten du. Eguzki energiaz kudeatzen diren gailu desberdinak prestatzean datza proiektua: eguzki labea, eguzkiak berotzen duen ur sistema... zonaldean paramilitarrak daude eta haien beldur dira.

Euskal Herrian dauka zentrala haien GKE-k eta beraien artean modu seguruan komunikatu behar dira.

Josune Euskal Herrian dago, atzo "operación mamut"-en baitan burutu dituzten atxiloketen berri izan du eta atxilotuei sustengua emateko desobedientzia zibil ekintza puntual bat antolatu nahi du.

Irati ezkertiar ikaslea da. Iratik, Enpresek eta Estatuek Interneten egiten duena ikustea sahiestu nahi du, ez ekintza politikoak sustatzen dituelako. Beste asmo berezirik gabe bere eskubidea delako. Eta kitto.

Mikel eta Bego bihotz oneko Euskal Herritarrak dira, nekatuta daude Europak errefuxiatuei zein tratu ematen dieten ikusteaz eta erabaki bat hartu dute: errefuxiatuak modu ilegalean ekarriko dituzte Euskal Herrira Europar lege deshumanizatuak desobedituz.

Ekintza martxan jarri nahi duten pertsona desberdinekin komunikatu behar dira.

Eskerrik asko Mikel eta Bego, maite zaituztegu.

Khaled arduratuta dago: ekintza politikorik egiten ez badu ere bere mutilagunarekin modu seguruan komunikatu nahi da. Khaled Yemenen bizi da.

Zuentzat dira aurkezpen honen lerroak.

Zuentzat ere gure begirunea, besarkada beroena.

Inor ez banaiz, zergatik zelatatzen naute?

© ¿Por qué me vigilan, si no soy nadie? | Marta Peirano | TEDxMadrid

© La vigilancia es un problema colectivo, como el cambio climático | Marta Peirano | TEDxMadrid

Estatu zelatariak

Hauek lirateke Euskal Herritarroi zuzenago eragiten dizkiguten estatuen zelatatze baliabideak informazio eta komunikazio teknologien (IKT) esparruan:

Ondoko grafikoan beste hiru gune geografikotan herritarrek estatuengandik pairatzen duten IKTetako zelatatze baliabideak bilduta daude:

Lan tresnak:
1. Pasahitzak

Pasahitz seguruak ezartzeak gure bizi digitalaren gutxienezko segurtasuna bermatzen du.

Pasahitzak sortzerako orduan gure gomendioa hurrengoa da: 16 karaktere alfanumerikodun pasahitzak erabiltzea.

Ez larritu ez dituzu guztiak buruz ikasi beharko eta.

Erabiltzen dituzuen zerbitzuek bermatzen badute, 2FA (Two-factor authentication) erabiltzea gomendatzen dizuegu.

KeePassX

Zure pasahitzak modu seguruan kudeatzen lagunduko dizun aplikazioa da.

Lan tresnak:
2. Ordenagailua

Tails

Sarean pribatutasuna bermatzeko sortutako GNU/Linux banaketa da. Live moduan erabiltzea gomendatzen dugu.

VeraCrypt

Ordenagailuaren disko gogorrean partizio zifratuak sortzeko funtsioak betetzen dituen softwarea.

TOR

TOR proiektuak Interneten komunikazioak modu anonimoan ziurtatzea du helburu nagusi.

Syncthing

Autokudeatutako "hodeia" sortzeko aukera eskaintzen du P2P protokoloak erabiliz.

Gehiago sakondu edo erreferentziak nahi dituzuenontzat:

Lan tresnak:
3. Nabigatzailearentzako gehigarriak

Firefox

Firefox-ek ez du aurkezpenik behar, software libredun nabigatzaileen artean ezagunena. Tails erabiltzeko aukera ez daukazuenean, Firefox erabiltzea gomendatzen dizuegu.

HTTPS Everywhere

Bisitatzen gauden webguneak https bertsioa badu hau erabiltzera derrigortzen du nabigatzailea.

uBlock Origin

Interneteko iragarkiak blokeatzen ditu.

DuckDuckGo Plus

Zelatatuko ez zaituen DuckDuckGo bilatzailea erabiltzeko aukera lehenezten du.

Self-destruction cookies

Nabigatzailearen fitxa bat itxi bezain pronto, webgune horren cookie-ak ezabatzen ditu.

Random Agent Spoofer

Nabigatzailearen Agent-a aldatzeko gaitasuna du. Plugin honekin webgune bati beste nabigatzaile edo sistema eragile batekin nabigatzen ari garela esateko aukera zabaltzen zaigu.

NoScript

Webguneek kargatzen dituzten script-ak (adibidez JavaScript) modu errazean blokeatzeko aukera ezartzen du.

Gehiago sakondu edo erreferentziak nahi dutenentzat:

Lan tresnak:
4. E-posta

Riseup

E-posta zerbitzu segurua, barne komunikazio tresnak eta aktibisten beste hamaikatxo behar izan teknologiko asebetetzen dituen kolektibo anarkista (EEBB).

Thunderbird

E-posta kudeatzeko bezero aske bat. Firefox-ek bezala gehigarriak gehitzeko aukera dauka.

Enigmail

GnuPG erabiliz e-postak modu seguruan zifrateko aukera ematen duen Thunderbird gehigarria, oso erabilerraza.

Gehiago sakondu edo erreferentziak nahi dutenentzat:

Lan tresnak:
5. Barne komunikaziorako tresnak

Crabgrass

Talde baten barne komunikazio eta kudeaketarako oso erabilgarria den Riseup.net-eko zerbitzua.

Lan tresnak:
6. Telefono mugikorra

F-Droid

Aplikazio libreak (ez besterik) deskargatzeko errepositorioa. Nolabait esatearren zelatatzen ez gaituen Google Play bat, software librez hornitua.

Orbot

Android sakelakoetan TOR sarera konexioa egitea ahalbideratzen duen aplikazioa.

Orweb

TOR sarea erabiliz nabigatzea bermatzen duen nabigatzailea.

Bitmask

Riseup.net-ek eskaintzen duen VPN-ra konektatzeko aukera ematen duen aplikazioa.

K9 mail

Android sistema eragilean erabili dezakezuen e-posta bezero librea, besteak beste GnuPG erabiltzeko aukera eskaintzen du.

OpenKeychain

Fitxategiak eta komunikazioa GnuPG erabiliz zifratzeko aukera eskaintzen du.

Telegram

WhatsApp-ekin erkatu dezakegun mezularitza aplikazioa (WhatsApp bera baino funtsio gehiago ditu). Telegram-ek, WhatsApp-ek ez bezala, ez omen du erabiltzailea zelatatzen [*].

[*] Zerbitzariak kudeatzen duen atala ez da librea. horretaz gain ez du zifratua berez gaitzen, guk geuk eskuz egin behar dugu. Gure gomendioa Signal erabiltzea da.

Signal

Pribatutasuna helburu duen Android aplikazioa. Mezu zifratuak bidaltzea eta dei zifratuak burutzea (VoIP) ahalbideratzen du.

KeePassDroid

Gure pasahitzak Android mugikorretatik erabiltzea eta kudeatzea ahalbideratzen du.

Gehiago sakondu edo erreferentziak nahi dutenentzat:

Eta hemendik aurrera zer?

Pribatutasunaren behatokia

Post-Snowden aroan pribatutasunaren inguruko hausnarketak egiteko albisteak jasotzen dituen Telegram kanala. Hack.in#badakigu informatika elkarte askeak kudeatuta.

Prism-break

Pribatutasunaren inguruko informazio mordoa duen webgunea.